Hjördís Rósa Guðmundsdóttir úr Badmintonfélagi Hafnafjarðar og Rafn Kumar Bonifacius úr Hafna- og Mjúkboltafélagi Reykjavíkur fögnuðu sigri í kvenna- og karlaflokki á Meistaramóti Tennissambands Íslands sem lauk í gær.
Hjördís Rósa mætti Heru Björk Brynjarsdóttur úr Fjölni í mjög jöfnum og spennandi leik í kvennaflokki sem fór í þrjú sett 1-6, 6-3 og 6-3 en Rafn Kumar hafði svo betur gegn föður sínum Raj K. Bonifacius 6-2, 6-4 í úrslitaleik karla. Eftir sigurinn voru þau Hjördís Rósa og Rafn Kumar svo krýndir stigameistarar Tennissambandsins 2014.